Pagtataguyod ng Pagsasalita sa Wikang Filipino ng mga Mag-aaral sa Senior High School sa Pamamagitan ng Suporta, Aksyon at Galing
Ivy Joy Ganancial
Received: 12 August 2025; Revised: 16 January 2026; Accepted: 30 January 2026; Published: 14 February 2026
DOI: https://doi.org/10.66074/GT21HY09
Abstrak
Sa kabila ng patuloy na pagsulong ng teknolohiya at globalisasyon, napapansin ang pagbaba ng aktibong paggamit ng Wikang Filipino sa mga paaralan. Layunin ng pag-aaral na ito na bumuo at subukin ang bisa ng interbensyong Suporta, Aksyon, at Galing sa pagpapalakas ng kasanayan sa pagsasalita ng mga mag-aaral sa Senior High School. Gumamit ang pag-aaral ng quasi-eksperimental na disenyo na may eksperimental na pangkat at kontroladong pangkat mula sa isang pribadong paaralan sa Lungsod ng Davao. Isinagawa ang panimula at panapos na pagtataya gamit ang isang sariling gawa ng mananaliksik na instrumento sa pagsasalita, at sinuri ang datos sa pamamagitan ng mean, standard deviation, at t-test. Ipinakita ng resulta na bago ang interbensyon ay walang makabuluhang pagkakaiba sa pagitan ng dalawang pangkat, na nangangahulugang magkatulad ang kanilang panimulang antas ng kasanayan. Matapos ang interbensyon, nagkaroon ng makabuluhang pagkakaiba sa panapos na pagtataya sa marka ng eksperimental at kontroladong pangkat. Naipakita na ang eksperimental na pangkat ay may makabuluhang pagtaas mula panimulang pagtataya hanggang panapos na pagtataya, samantalang walang makabuluhang pagbabago sa kontroladong pangkat. Higit pa rito, mas mataas ang mean gain score ng eksperimental pangkat kumpara sa kontroladong pangkat, na may makabuluhang pagkakaiba. Sa kabuoan, pinatutunayan ng pag-aaral na epektibo ang interbensyong Suporta, Aksyon, at Galing sa pagpapabuti ng kasanayan sa pagsasalita sa Wikang Filipino ng mga mag-aaral sa Senior High School.
Mga Susing Salita: aksyon, edukasyon, galing, pagsasalita, senior high school, suporta, , wikang Filipino
Author Information: University of the Immaculate Conception, Davao City, Philippines; [email protected]
Volume 2, Issue 2, June 2026
View English Title and Abstract Here
Promoting Oral Communication Skills in Filipino among Senior High School Students through Support, Action, and Excellence
Despite the continuous advancement of technology and globalization, a decline in the active use of the Filipino language in schools has been observed. This study aimed to develop and test the effectiveness of the Support, Action, and Excellence intervention in enhancing the speaking skills of Senior High School students. The study employed a quasi-experimental design with an experimental group and a control group from a private school in Davao City. A researcher-made speaking assessment instrument was administered as both pre-test and post-test, and the data were analyzed using mean, standard deviation, and t-test. Results revealed that prior to the intervention, there was no significant difference between the two groups, indicating comparable baseline speaking proficiency. After the intervention, a significant difference was found in the post-test scores between the experimental and control groups. The experimental group demonstrated a significant improvement from pre-test to post-test, whereas no significant change was observed in the control group Furthermore, the experimental group obtained a higher mean gain score compared to the control group, with a significant difference. Overall, the findings confirm that the Support, Action, and Excellence intervention is effective in improving the Filipino speaking skills of Senior High School students.