Mga Sexist na Wika sa mga Pahayag ng Piling Politiko sa Facebook: Isang Pagsusuri
Cherry Mae Villastique, Nadjerah Exsan, CJ Ann Bala, Maricel Esoy, Alican Pandapatan
Received: 13 May 2026; Revised: 02 July 2026; Accepted: 04 July 2026; Published: 05 July 2026
DOI: https://doi.org/10.66074/V4F9K1X7
Abstrak
Ang Facebook ay isang pangunahing online platform sa Pilipinas na nagsisilbing espasyo upang malayang naipapahayag ng mga mamamayan at politiko ang kanilang mga saloobin. Dahil dito, mas nagiging lantad ang paggamit ng mga sexist na salita o wika sa digital na komunidad na ito. Ang pag-aaral na ito ay naglalayong suriin ang “sexist na wika” sa mga pahayag ng mga piling politiko sa Facebook gamit ang discourse analysis at pragmatic-feminist lens. Random ang pagkuha ng mga datos. Natuklasan sa pag-aaral na ito na mas madalas ang mga politikong lalaki na gumagamit ng mga sexist na salita, na nagtala ng labing-apat (14) na personalidad, samantalang dalawang (2) babae lamang ang natukoy na gumagamit ng mga ito. Batay sa resulta, mayroong anim (6) na pangunahing kategorya ng sexist na pahayag mula sa pagpapababa ng pagkatao hanggang sa pagnormalisa ng karahasan at ipinakita kung paano nito pinapalala ang hindi pagkakapantay-pantay ng kasarian at nagdudulot ng panganib sa dignidad, representasyon, at kaligtasan ng kababaihan. Ang bawat pahayag na ito ay may malaking epekto sa buhay ng mga taong nagiging biktima nito. Upang higit na makita at matugunan ang suliraning tinatamasa ng mga kababaihan sa lipunang ito, kinakailangan ang panibagong pag-aaral na sumasaklaw sa kolektibong aksyon o regulasyon sa mga pampublikong pahayag, responsableng pag-uulat ng media, at mas malalim na edukasyon sa gender sensitivity upang maiwasan ang patuloy na pagnormalisa ng sexist na wika at maprotektahan ang karapatan ng bawat indibidwal.
Susing-salita: kasarian at wika, mga antas ng pormalidad, panayam, sosyolinggwistika, wika ng kababaihan
Corresponding Author Information: Mindanao State University-Main Campus, Marawi, Philippines; alican.pandapatan@msumain.edu.ph
Volume 2, Issue 3, September 2026
View English Title and Abstract Here
Sexist Language in Selected Politicians’ Facebook Statements: An Analysis
Facebook is one of the most widely used online platforms in the Philippines, functioning as a public sphere where citizens and political actors freely express their opinions and viewpoints. Within this digital environment, the use of sexist language has become increasingly visible, prompting the need for critical examination. This study investigates sexist language in the Facebook statements of selected politicians through the lenses of discourse analysis and feminist pragmatics, using randomly sampled data from publicly accessible posts. The findings reveal that male politicians were more frequently associated with sexist expressions, with fourteen (14) identified individuals exhibiting such language compared to only two (2) female politicians. Analysis further identified six (6) major categories of sexist discourse, ranging from the denigration of women’s personhood to the normalization of violence, demonstrating how these linguistic practices reinforce gender inequality and threaten women’s dignity, representation, and safety. The study underscores the significant impact of sexist discourse on its targets and highlights the need for further research on collective interventions, regulatory mechanisms for public communication, responsible media reporting, and gender-sensitivity education to counter the normalization of sexist language and promote the protection of individual rights in contemporary society.