Mga Katangiang Linggwistik ng Wika ng Kababaihan sa mga Piling Panayam: Isang Pagsusuri
Maricel Esoy, Rohannie Mamongcal, Nadjerah Exsan, CJ Ann Bala, Alican Pandapatan
Received: 12 May 2026; Revised: 02 July 2026; Accepted: 04 July 2026; Published: 05 July 2026
DOI: https://doi.org/10.66074/Y6M2Z8Q3
Abstrak
Ang pag-aaral na ito ay isang panimulang pagsisiyasat na sumuri sa mga katangiang linggwistik ng wika ng mga babaeng personalidad sa telebisyon sa tatlong antas ng panayam: pormal, di-gaanong pormal, at di-pormal. Gamit ang kwalitatibong pananaliksik na may disenyo na case study, sinuri ang anim na panayam ng mga babaeng kalahok mula 2020–2025 sa pamamagitan ng discourse analysis at thematic analysis. Bilang teoretikal na balangkas, ginamit ang Difference Theory at Social Constructionist Theory bilang pangunahing lente, samantala ang Politeness Theory at Accommodation Theory ay nagsilbi bilang mga suportang teorya. Natuklasan ang dalawang magkasalungat na pattern: (1) bumaba sa di-pormal ang paggalang (98% tungong 12%), di-tuwirang pahayag (87% tungong 34%), at pag-iwas sa sensitibong paksa (95% tungong 23%); at (2) tumaas naman sa di-pormal ang code-switching (10% tungong 59%), emosyonal na pananalita (5% tungong 45%), tagapuno (4% tungong 69%), at balbal (1% tungong 37%). Ipinahiwatig ng pag-aaral na ang wika ng mga babaeng kalahok ay dinamiko at kontekstwalisado, umaangkop sa antas ng pormalidad, nakatuon sa samahan, nakabatay sa kuwento, awtentiko sa emosyon, at madiskarte sa politeness. Muling binigyang-kahulugan ang proposisyon ni Lakoff (1975) na ang po, opo, at hedges ay hindi tanda ng kahinaan kundi mga estratehiya para sa pakikisama at paggalang sa kulturang Pilipino. Gayunpaman, kinilala ng pag-aaral ang limitasyon nito sapagkat anim na panayam lamang ng mga kilalang personalidad sa telebisyon ang sinuri, kaya hindi maaaring gawing pangkalahatan ang mga natuklasan sa lahat ng babaeng Pilipino. Ang mga pattern na natukoy ay maaaring bunga ng mediatized na konteksto, media training, o public image, at hindi lamang ng kasarian.
Susing-salita: Wika ng Kababaihan, Sosyolinggwistika, Panayam, Antas ng Pormalidad, Kasarian at Wika
Corresponding Author Information: Mindanao State University-Main Campus, Marawi, Philippines; alican.pandapatan@msumain.edu.ph
Volume 2, Issue 3, September 2026
View English Title and Abstract Here
Linguistic Features of Women’s Language in Selected Interviews: An Analysis
This preliminary study aims to examine the linguistic features of the language of female television personalities across three levels of interview formality: formal, semi-formal, and informal. Using a qualitative research design with a case study design, six female participants were observed in the recorded interview between 2020-2025 and were analyzed through discourse analysis and thematic analysis. Difference Theory and Social Constructionist Theory served as the primary theoritical lens, while Politeness Theory and Accommodation Theory served as supporting theories. Two contrasting patterns were identified: (1) in informal settings, politeness decreased (98% → 12%), indirect statements decreased (87% → 34%), and avoidance of sensitive topics decreased (95% → 23%); and (2) in informal settings, code-switching increased (10% → 59%), emotional speech increased (5% → 45%), fillers increased (4% → 69%), and slang increased (1% → 37%). The study suggests that the language of the female participants is dynamic and contextualized, adapting to the level of formality, focused on rapport, narrative-based, authentic in emotion, and strategic in politeness. Lakoff’s (1975) proposition is redefined in the Filipino context: po, opo, and hedges are not markers of weakness but rather strategies for rapport and respect in Filipino culture. However, the study acknowledges its limitation, only six interviews of well-known television personalities were analyzed, so the findings cannot be generalized to all Filipino women. The patterns may be due to the mediatized context, media training, or public image, not merely gender.